माझे वेडे शब्द...

माझे वेडे शब्द माझ्यासारखाच वेडेपणा करतात,
जेव्हा वाटते  काही लिहावेसे तेव्हा तुझ्याच मागे पळतात...

आठवण तुझी..

तसे तर मी खूप विसराळू आहे कधी कधी स्वतालाही विसरून बसते,
पण मनातून जातच नाही आठवण तुझी..
कारण  तुझ्यामुळेच मला माझ्या असण्याची जाणीव होते...

तो क्षण....

तो क्षण फक्त दोघांसाठीच सजलेला असावा,
हात माझा तुझ्या हातात असावा.
शब्दांशीच आपण रुसावे आणि अबोल संवाद घडावा,
गुंतावे एकमेकात असे कि जगाचाही विसर पडावा...

आयुष्य आहेस माझे

आयुष्य आहेस माझे पण आयुष्यात अजूनही नाहीस तू,
केवळ भासा भासाने सुखावणारे एक मृगजळ आहेस तू...

काहीतरी नाते नक्कीच आहे तुझ्या माझ्यात........

काहीतरी नाते नक्कीच आहे तुझ्या माझ्यात जे दूर असूनही दुरावा वाढू देत नाही,
काय नाव द्यावे ह्या नात्याला जे मैत्रीत हि प्रेमाची कमी पडू देत नाही...

प्रेम म्हणजे..........

प्रेम म्हणजे एखाद्याला गमावण्याची भीती नेहमी मनात असणे..
प्रेम म्हणजे एखाद्याला हसवण्यासाठी जीवाच रान करणे..
प्रेम म्हणजे एखाद्याच्या डोळ्यात पाणी पाहून काळजाचे पाणी होणे....
प्रेम म्हणजे एखाद्याचे केवळ सोबत राहणे हि खूप काही असणे...
प्रेम म्हणजे एखाद्याला कल्पनेच्या हि पलीकडे समजून घेणे...
प्रेम म्हणजे एखाद्याशी फक्त डोळ्यांनी बोलणे.....
प्रेम म्हणजे एखाद्याशी अतूट मैत्री असणे.....
प्रेम म्हणजे एखाद्यावर प्रेमाच्याही पलीकडे प्रेम करणे.....